Авіяцыя Беларусі і Расіі пачала выкананне задач па прызначэнні ў межах другога этапу сумеснага лётна-тактычнага вучэння Узброеных сіл, паведамілі ў Мінабароны.
З аэрадрома Мачулішчы самалётам ДРЛА А-50 выконваюцца задачы па вядзенні паветранай разведкі, а таксама кіраванне экіпажамі шматмэтавых знішчальнікаў.
З аэрадрома Баранавічы экіпажамі авіяцыі ажыццяўляецца знішчальнае авіяцыйнае прыкрыццё важных дзяржаўных і ваенных аб’ектаў.
З аэрадрома Ліда экіпажамі авіяцыі адпрацоўваюцца пытанні пераадолення СПА праціўніка і нанясення ўдараў па аэрадромах і верталётных пляцоўках умоўнага праціўніка.
Для эвакуацыі экіпажаў ударных груп авіяцыі праводзяцца мерапрыемствы пошукава-выратавальнага забяспечання.
Падрыхтоўкай тэхнікі да баявога выкарыстання займаецца інжынерна-тэхнічны персанал.
